Dapat nga maalarma na ang mga Filipino.
Ini ang ginpalayag ni Benito Atienza, anay presidente sang Philippine Medical Association, matapos nga nagsaka sa 45,416 ang kaso sang dengue sa pungsod, humalin sang Enero 1 tubtub Hunyo 11, sini nga tuig.
Suno sa health expert, mas madamu ang nagakalamatay sa Singapore bangud sang dengue, kumparar sa COVID 19.
Ginpanugyan ni Benito sa mga Filipino nga maghalong, bangud wala sang ginapili nga edad ang dengue virus.
Ginhingyo sang eksperto nga gub-on ang mga lugar nga mahimo itlogan sang lamok, nga nagadala sang virus, agud malikawan ang pagmu-ad sang dengue carrying mosquito.
Ginpalayag man ni Benito nga kinahanglan suportahan ang mga “fogging activities” nga ginapatigayon sa mga hotspot areas, agud malikawan ang dengue.
Statement of Benito:
“Kaya dapat po tayong mag-ingat ngayon… dapat po tayong mabahala kung ating mga anak o kahit po matanda, kahit nurse, kahit sino po, ay pwedeng mag dengue sa panahon ngayon.”*// Sunshine Lacson
