Apat ka mag-ulutod naigo sang kilat sa probinsya sang Quezon

Padayon pa nga ginabulong sa ospital ang apat ka mag ulutod nga naigo sang kilat sa probinsya sang Quezon, Lunes sang gab-i, Nobyembre 21.

Suno sa amay sang mga biktima, mabaskog ang kilat sa ila lugar sa banwa sang San Andres kag hinali lang nga napatay ang ila suga.

Nagkuha sang cellphone ang isa sa apat ka mag ulutod agud himuon nga flashlight samtang nagakaon.

Apang, liwat nga nagpangilat kag nakit-an na lamang nga natumba ang apat ka mag-utod.

Sa bulig sang ila katupad balay, nadala sa pinakamalapit nga ospital ang mga biktima.

Padayon pa nga ginabulong ang mga biktima, bangud nabudlayan mag ginhawa kag nagabatyag sang pagpalanakit sa kalawasan.*