Benepisyaryo sang 4Ps nalumos matapos nga naglumpat sa suba agud kuhaon ang nahulog nga kwarta kag papeles

Isa na ka bangkay sang masapwan ang 40 anyos nga si Jobette Gallietos matapos nga nalumos sa suba sa Camarines Sur.

Benepisyaryo sang 4Ps ang biktima, nga nagkuha sang iya “payout” antis nasapwan nga wala na sang kabuhi.

Nagasakay sa bagon ang biktima sa iya pagpauli, apang sang nag-abot na sa Philippine National Railway bridge (PNR) ang iya ginasakyan, nahulog sa tubig ang iya envelope nga may unod nga kuarta kag papeles.

Naglumpat ang biktima sa suba agud kuntani kuhaon ang envelope, apang wala na makabutwa.

Nagluntad ang insidente sang tinalikdan nga Nobyembre 17.

Tatlo ka adlaw nga ginpangita ang biktima antis ini nga nasapwan sa Bicol River sa banwa sang Libmanan, Camarines Sur.*