Ginreport sang kapulisan nga yara sa 10 ka pasahero ang nakakita sa pagpanghimulos sang isa ka lalaki sa babaye sa sulod mismo sang nagadalagan nga tren.
Ginsiling sang kapulisan nga napunggan kuntani ang insidente kung may nagpanangayo sang bulig.
“As many as 10 people actually saw some part of the attack on this rider,” pahayag ni SEPTA Transit Police Chief Thomas Nestel III sa Philadelphia radio station nga WPHT.
Base pa sa report nga isa ka naka-off-duty nga empleyado sang SEPTA ang nagtawag sa 911.
Pag-abot sang kapulisan, nakatungtong pa ang rapist sa biktima tubtob nga gindakop ini.
Ginkilala ang suspek nga si Fiston Ngoy, 35, nga magapangatubang sa kaso nga rape, involuntary deviate sexual intercourse, sexual assault kag iban pa.
Suno naman sang suspek, may permission sa biktima ang natabo apang, ginpanginwala naman ini sang babaye.
