Babaye nga nagpadul-ong sa lalaki, ginpatay sang iya live in partner, bangud sang pangimon

Ginluthang sang makapila ka beses tubtub nga mabawian sang kabuhi ang 36 anyos nga negosyante sa Alamada, Cotabato sadtong Sabado, Setyembre 17, 2022.

Ginkilala ang biktima nga si Marlin Soriano, Milk Tea shop owner kag residente sang Libungan, Cotabato.

Sa manhunt operation, naaresto sang mga otoridad ang 45 anyos nga si Arnold De Lima, nga residente man sang nasambit nga lugar.

Si De Lima amo ang ginatudlo nga responsable sa kremin kag kilala nga live in partner sang biktima.

Suno sa kapulisan, nakit-an sang suspek nga gindul-ong sang isa ka lalaki ang biktima.

Sa sulod mismo sang ila puluy-an, ginluthang ni De Lima si Soriano sang makapila ka beses tubtub nga nabawian sang kabuhi.*