Indi makalalaton ang balatian sa korason, diabetes kag cancer, apang ini ang rason sang 74 porsyento nga pagkalamatay sang mga tawo sa bilog nga kalibutan.
Base sa record sang World Health Organizations (WHO), 41 milyones ka mga indibidwal ang nagakalamatay kada tuig, bangud sa ginakabig “non communicable diseases”.
Kalakip sa mga nagkalamatay amo ang 17 milyones ka mga persona nga naga edad sang mas manubo sa 70 anyos.
Suno kay WHO head Bente Mikkelsen, duha ka mga indibidwal nga naga edad sang mas manubo sa 70 anyos ang nagakalamatay sa kada duha ka segundo.
Ginkumpirmar sang opisyal nga mas madamu ang nagakalamatay sa kalibutan bangud sang non communicable disease kumparar sa infectious diseases.
Makuha sang tawo ang mga non communicable diseases pinaagi sa indi maayo nga lifestyle, kalakip na diri ang pagpanigarilyo, sala nga diet, sobra nga pag inom sang makahulubog nga ilimnon, kakulang sa ehersisyo kag polusyon.
