SAGAY CITY – Pilason nga gindangat sa ospital ang duha ka mga persona matapos malab-an sang hubog nga nag-amok sa pistahan nga ginhiwat sa Purok Kawayan, Brgy. Rafaela Barera, syudad sang Sagay, Negros Occidental.
Sandig sa report nagikan sa kapulisan, nagluntad ang insidente mga takna alas-11:30 sang gab-i, Martes, Agosto 16, 2022 samtang naga hiwat sang fiesta ang nasambit nga lugar.
Sang may nagluntad nga ginamo sa tunga sang grupo samtang naga sinadya, apang sa wala pa matumod nga rason, hinali na lamang nga nagkuha sang espading ang suspek nga ginkilala kay Tinton Cuambot kag nagpanglabo.
Resulta diri amo ang pagkapilas sang duha ka biktima nga ginkilala kay Kenneth James Abong, 17 anyos kag si Mark Dejito, 36 anyos, lunsay residente sang nasambit nga barangay.
Gilayon nga ginbuligan dala sa ospital sa Sagay ang duha ka biktima nga karon, sandig sa impormasyon, yara na sa luwas nga kahimtangan.
Samtang gilayon man nga nagpalagyo ang suspek nga si Tinton Quambot nga padayon pa ginapangita sang kapulisan.
