BACOLOD CITY- Luyag ni Philippine Racing Commission (PHILRACOM) Chairman Reli de Leon nga mangin kabahin ang local horse racing sa sports tourism industry.
Suno pa kay De Leon, ini na ang ti-on para buksan sa mga turista ang horse racing sa pungsod.
Igapresentar naman ni De Leon ang plano antes sang Department of Tourism, Department of Foreign Affairs kag sa mga nagkalain-lain nga embassies sa Pilipinas.
Ginkuha ini ni De Leon nga ideya sa mga pungsod sang United States kag Dubai bangud madamo nga turista ang nagabisita kun may sa horse racing.
Suno naman kay PHILRACOM Executive Director Ron Corpuz, magaimbitar sila sang mga turista angut diri.
Gin-anunsyo man nila nga magahiwat sila sang 2,400-meter race sa Carmona, Cavite sa maabot nga Steyembre 18, Horse Racing Festival and Expo naman sa Oktubre 14 tubtob 16, kag Hall of Fame Awards sa Disyembre 4.
