Hurricane Ian, “most deadly” nga hurricane sa maragtas sang Florida, suno kay US Pres. Biden

Wala sang suplay sang kuryente ang minilyon ka mga persona sa Amerika, matapos nga naglaslas si Hurricane Ian.

Sa palibot sang Florida state, makit-an ang pagkawasak sang mga puluy-an, pagkalukat sang mga puno sang kahoy kag tuman kadamu nga mga sakayan pandagat nga halos nag-awas na sa kadagatan.

Sa karon, wala pa sang datus nga gin “release” ang mga otoridad angut sa kadamuon sang mga casualties.

Gin deploy na ang mga helicopters sa mga lugar nga apektado sang hurricane, agud magpatigayon sang mga rescue operations.*