Taytay nautod sa Brazil; tatlo patay, 14 nagkalasamaran

Nabawian sang kabuhi ang tatlo tanan ka mga indibidwal nga lunsay nagasakay sa salakyan, matapos nga mautod ang taytay sa siudad sang Careiro sa pungsod Brazil.

Base sa report, naglitik ang taytay nga nagdulot sang problema sa trapiko antis nga nagluntad ang insidente.

Nagkalahulog ang mga salakyan sa tubig nga nagresulta sa kamatayon sang tatlo ka mga persona.

Base man sa report, may 14 ka mga indibidwal nga nasamaran sa trahedya kag may 15 pa ka iban nga gindeklarar missing.*