Japan liwat nga ginbuksan para sa mga turista, sumugod subong nga adlaw

Ginkalipay sang mga turista ang liwat nga pagbaton sang pungsod Japan sa mga luyag magbisita sa lugar, matapos ang masobra duha ka tuig nga pagsira sang mga borders bangud sang COVID 19.

Kalakip sa mga turista nga una nagbisita sa Japan, sa pagbukas sang pungsod amo ang mga nagikan sa Israel, France kag Britain.

Sumugod sini nga adlaw, Martes, Oktubre 11, magapadayon ang “visa free entry” sa Japan para sa mga travelers, gikan sa 68 ka mga pungsod kag teritoryo sa bilog nga kalibutan.