Konstraksyon sang pinaka-una nga subdivision sa Moises Padilla, ginsugudan na

NEGROS OCCIDENTAL – Makabig nga isa ka maragtas ang paghiwat sang groundbreaking ceremony sang pinakauna nga residential subdivision sa banwa sang Moises Padilla, Negros Occidental sadtong Setyembre 6.

Ginpabugal ni Mayor Ella Celestina Garcia-Yulo ang pag-abri sang 6.9-hektariya nga Villa Cecilia Subdivision, nga isa man ka makabig tikang sa pagpabaskog sang ekonomiya sang banwa.

May 11 ka mga commercial lots, 276 residential lots kag 97 socialized lots ang nasambit nga subdivision kung diin makita man ang view sang Kanlaon Volcano.

Yara ini sa atubangan sang auditorium sang Barangay 1, malapit sa Poblacion Extension High School kag ginapanag-iyahan sang EKJ Corporation.*