- Advertisement -
BACOLOD CITY – Emosyonal nga nagapangayo sang pasaylo si Rollyray Alejo ang gina-alegar nagpainom sang mahigko nga tubig sa isa ka biker nga si “Khylie” pinaagi sa exclusive interview sang Radyo Bandera.
Nagahinulsol man si Rollyray sa iya ginhimo.
“Nagapangayo lang ko pasensya kay Khylie kay indi ko man hungod,” pahayag ni Rollyray.
- Advertisement -
“Ibasya ko man lang tani sa iya atubang sir, kaso nagpangayo siya tubig kay mainom siya,” dugang pa ni Rollyray.
Ginpahayag man ni Rollyray nga nakatuon na siya sang leksyon sa natabo kag nagpromisa nga indi na maliwat ang iya ginhimo.
Sa karon, wala pa nahibaluan kong ano ang desisyon ni Khylie kong mapasaka bala ini sang kaso kay Rollyray ukon ma-settle nalang ang amo nga isyu.*
