- Advertisement -
Patay ang 36-anyos nga lalaki matapos ginlabo-labo sang iya utod sa Balaoan, La Union, Miyerkules sang gab-i, Hunyo 23.
Suno sa hepe sang Balaoan Police nga si Police Maj. Lawrence Ganuelas, naga-inom ang duha kag naga-istorya parte sang ila pamanahon nga duta sa isa ka tyangge sa Brgy. Nagsabaran.
Naglalisanay kag nagsumbaganay ang mag-utod sa tyangge kag sang nagpauli sa balay ang duha ginsinggitan sang suspek ang biktima.
- Advertisement -
Nagbalik sa tyangge ang biktima kag ginsundan ini sang suspek kag ginlabo-labo gamit ang binangon.
Nasamaran ang biktima sa li-og kag gindala sa ospital apang gindeklarar ini nga dead on arrival.
Ginpasaka-an kaso nga murder ang suspek kag boluntaryo nga nagsurender sa barangay kag pulis.
