Dead-on-arrival ang isa ka lalaki matapos gin-atake sa korason samtang yara ini sa sulod sang motel sa Sta. Cruz, Maynila kaupod ang iya ginrentahan nga commercial sex worker sang Domingo, Oktubre 2.
Ginkilala ang biktima kay alyas “Ronnie”, 49-anyos nga residente sang syudad sang Caloocan.
Suno sa report sang Manila Police District- Homicide Section, nag-check in sa isa ka motel nga nahamtang sa Rizal Avenue, Sta. Cruz ang biktima kaupod ang babayi nga gintago sa ngalan nga “Ana”.
Takna las 11:35 sang gab-i sang nangayo sang bulig ang babayi sa staff sang hotel nga mahingagaw dala sa ospital ang biktima matapos maghugot ang dughan sini.
Gin-ako naman sang babayi nga isa ini ka “sex worker” kag kliyente lamang niya ang biktima.
Gindala naman ang bangkay sang biktima sa Cruz Funeral Homes samtang ginapangita pa sang mga kapulisan ang iya himata.
via Pilipino Star Ngayon Digital
