Natandog ang balatyagon sang mga netizen sa isa ka mensahe sang anay dog owner nga napilitan i-abandonar ang iya hinuptanan nga ido bangud pirme na lamang ini gina-akigan sang iya nga iloy.
Sa isa ka post sa Twitter ni @stubbornicole, nakit-an niya ang ido nga gin-abandonar sang tagiya sini kag may ginbilin pa ini nga note para sa mga makakita kag maga-adopt sa iya ido nga si “Panda”.
Yari ang nakasulat sa nasambit nga note, “Kuya, ate, sa sinoman na makabasa nito, sana po alagaan nyo po ng maayos ang aso ko. Kaya po nagawa ko ito dahil lagi nagagalit si mama sa kanya hindi ko man kagustuhan. Sorry Panda. Panda po name nya.”
Suno kay @stubbornicole, matapos niya kuhaon ang ido, gindala niya ini sa Philippine Pet Birth Control Foundation sa Mandaluyong City para mahatagan sang temporaryo nga pagtatap.
“Hello! I found an abandoned dog near Mandaluyong City Hall. Here are some of her photos, along with the note attached to her leash. If you’d like to adopt her, I brought her to Philippine Pet Birth Control Center Foundation in Boni Ave.,” sandig sa Twitter post ni @stubbornicole.
via Publiko
