STA. MESA, MANILA – Pilas sa paa kag butkon ang naangkon sang mag-asawa matapos nabugguan sang van ang ila ginasakyan nga motorsiklo sa interseksyon sang Magsaysay Boulevard kag V. Mapa sa Sta. Mesa sa Maynila sini nga Lunes, Agosto 29.
Suno sa drayber sang motorsiklo, papauli ini kaupod ang iya asawa gikan sa Antipolo kag nagpundo sa tunga sang dalan sang nakita sini nga nag-yellow ang traffic light.
Nakibot na lamang ini sang hinali nabungguan sang van ang likod sang ila motorsiklo.
Maayo na lamang nga may luggage box ang ila motorsiklo nga nagsagang sa mabaskog nga impact tuga sang pagbunggo sang van.
Nakibot naman ang drayber sang van sa natabo nga insidente kag nagapakitluoy ini sa mga biktima nga indi na magpasaka sang kaso.
Padayon naman ang imbestigasyon sang kapulisan angut sa nagluntad nga insidente.
