TONDO, MANILA – Madamo ang nalingaw sa isa ka kalan-an sa dalan sang Barangay 253 sa Tondo, kun diin ang pangalan sini kaangay sa anay sikat nga game show sa telebisyon.
Nakaangkon sang linibo nga reactions kag shares sa Facebook ang litrato sang kalan-an nga ‘Deal or Noodle’ sa sulod lamang sang pila ka adlaw matapos ini nagbukas sadtong Agosto 20.
Suno sa tag-iya sang kalan-an nga si Deborah, napaminsaran nila sang iya co-owners nga sanday Charisma kag Michael nga kinahanglan “witty” ang pangalan sang ila kalan-an.
Ginkakibot kag ginkalipay naman nila nga nagtrending ang ila kalan-an sa mga netizen.
Dugang pa ni Deborah, paborito nila ang laksa, pares kag ramen, gani, nagpatukod sila sang ila kaugalinon nga negosyo.
“We are trying to come up po with a very attractive name, na sa name palang mapapabili na ang mga tao,” suno kay Deborah.
