Nagalangoy ang apat ka mga katapo sang 1st Provincial Mobile Force Company sang Agusal Del Norte sa Vinapor White Sand Beach Resort bilang kabahin sang ila physical conditioning sadtong Domingo sang aga, Hunyo 26, 2022.
Takna las 11:25 sang aga sang nakit-an ni PMSg Von Harjie Abucayan nga may lipong nga bata nga nagalutaw malapit sa higad sang baybay, mga 8 ka metros ang kalayuon.
Gilayon nga ginguyod ni Abucayan ang bata halin sa tubig kag ginbutang ini sa lamesa.
Nagdapat sanday PCpl. Arnie Baron Jr kag Pat. Richie Boy Peligro sang first aid sa bata paagi sa CPR.
Samtang ginasalbar ang bata, nagtawag na si P/Lt. Col. Romulo Dimaya Jr sa ila headquarters agud ipahibalo ang insidente kag ginmanduan ang drayber sang patrol car nga nagapatigayon sang mobile patrol visibility malapit sa area nga magpadulong sa lugar sang insident.
Tigayon nga na-revive ang bata, 20 ka minutos ang nagligad sang ini ang gin-CPR.
Gindala ang bata sa Nasipit District Hospital.
Dako naman ang pagpasalamat sang ginikanan sang bata sa pagkaluwas sini sa katalagman.*
