Bali ang mga tiil kag mga tul-an sa likod, sang isa ka Overseas Filipino Worker okon OFW sa Kuwait, matapos nga nagtingwa nga makapalagyo sa iya employer sa Hayteen area.
Base sa report nasamaran ang OFW bangud nahulog ini sa bintana, gikan sa ikatlo nga panalgan sang puluy-an sang iya amo.
Ginsaysay ni Welfare Officer Genevieve Ardiente , nga nadakpan ang OFW sang iya amo nga naga tiktok sa sulod sang kuarto.
Bangud sang kaakig, pwersa nga ginkuha sang amo ang cellphone kag headset sang OFW sa diin nagluntad pa ang pag-agaway sang gadget.
Matapos nga nagluntad ang komprontasyon, gilayon nga nag empake sang iya kagamitan ang OFW kag nagtingwa nga makapalagyo pinaagi sa pag-agi sa bintana.
Sa karon, yara na sa ospital ang Pinoy worker kag padayon nga ginabulong.
May mga spekulasyon man nga nagtuyo nga magpanginmatay ang OFW nga ginkilala sa kay Myla Balbag,
Statement of OWWA chief Arnell Ignacio:
“Kung ikaw ay mag-a-attempt mag-suicide, ikaw pa rin ay makakasuhan…Bibigyan natin kaagad siya ng lawyer in case this will happen.*
