- Advertisement -
- Advertisement -
Home Business Presyo sang lechon magasaka pa

Presyo sang lechon magasaka pa

0
- Advertisement -

Ginpahibalo sang mga manug lechon, nga magasaka pa ang presyo sang ila produkto, samtang nagahilapit ang paskua.

Sa Metro Manila, isa sa mga sikat nga ginabaklan sang lechon amo ang sa La Loma, Quezon City.

Suno sa mga negosyante sang lechon, magasaka sa P500 ang presyo sang lechon sini nga semana, P1,000 sa masunod pa nga semana kag posible nga maglab-ot sa P1,500 ang isaka sang presyo sa adlaw sang Paskua.

- Advertisement -

Ginkumpirmar sang mga manug lechon nga nagsaka ang presyo sang baboy gikan sa supplier sang P1,500.

Nagasaka na ang “demand” sang lechon kag ini ang rason sang pagsaka man sang presyo sa merkado.

Sa mga nagabakal sang kinilo nga lechon, posible nga magsaka pa sa P1,700 ang presyo sini sa kada kilo tubtub sa Bag-ong Tuig.

Nagasalig naman ang mga negosyante sang lechon nga maubos sa gihapon ang ila produkto bangud ginapahanugutan na ang mga pumuluyo nga makagwa kag magtipon para sa selebrasyon.*

NO COMMENTS

Leave a ReplyCancel reply

Exit mobile version