Ginpahayag sang presidente sang Taxi Operators of Negros Occidental (TONO) nga si Mario Luis Eusebio nga ginatun-an nila ang pagpasaka sang pamasahe.
Suno kay TONO President Eusebio, padayon nga nagapangabay ang ila grupo sa Iloilo sang P10 nga saka sa pamasahe apang ginatun-an pa lang nila ini diri sa Bacolod.
Ginpabutyag ni Eusebio nga luyag kuntani sang mga taxi operators nga maghingyu sang dugang sa pamasahe agud makabawi ang mga drayber sa ila boundary apang gina-ulikid nila ang mga pasahero.
Nagakabalaka ang mga drayber nga madulaan na gid sila sang mga pasahero kun magpasaka ang mga ini sang pamasahe.
Isa sa mga rason kun ngaa luyag sang mga drayber magpasaka sang pamasahe ang padayon nga pagsaka sang presyo sang produktong petrolyo
Dugang ni Eusebio, natabo na sadto nga nagpasaka sila sang P10 nga pamasahe apang ginbawi man nila sang nagnubo na ang presyo sang produktong petrolyo.
