Nasapwan nga wala na sang kabuhi ang isa ka lalaki sa drainage canal las 9:15 kaina sang aga sa National Highway sa Brgy. Ayungon, La Carlota City.
Ang biktima ang ginkilala kay Jeric Pamoceno y Arguelles, 24 anyos, single, kag residente sang Hacienda Guadalupe, Brgy. Ayungon sa nasambit nga syudad.
Base sa inisyal nga imbestigasyon sang La Carlota CPS, las 6:00 kahapon sang gab-e, Setyembre 24 ang biktima ang nakita pa nga buhi sang iya abyan nga si Dennis Aloro sa isa ka Motorshop nga nahamtang sa Burgos St. Brgy. 2 sa nasambit nga syudad.
Narekober sa gintunaan sang insidente ang motorsiklo sang biktima nga ginapanag-iyahan sang iya tiyo nga ginkilala kay Vicente Arguelles.
Nakuha man ang isa (1) ka itom nga coin purse nga naga-unod sang Student Permit kag iban pa nga personal nga pagkabutang sang biktima.
Ang bangkay sang biktima ang gindala sang local rescue unit (CDRRMO) kag sa karon yara sa morgue sang Don Salvador Benedicto Memorial District Hospital kag nakatalana nga i
