Patay ang 49 anyos nga lalaki matapos ginbuno sang iya hinablos sa Purok Paghidaet, Brgy. Tangub, Bacolod City las 8:40 kaina sang aga.
Ang biktima ang ginkilala kay Ciriaco Pabalinas y Gagajeña, 49 anyos, single kag residente sang nasambit nga lugar.
Samtang, ang suspetsado ang ginkilala naman kay Mark Lowell Atienza y Pabalinas, 34 anyos, single kag hinablos sang biktima.
Base sa inisyal nga imbestigasyon, ang biktima ang nagapreparar sang ila pamahaw sang hinali nalang ini ginbuno sang tatlo ka beses sang iya hinablos sa dughan gamit ang kitchen knife.
Matapos ginbuno sang suspetsado ang iya tiyo, ginbuno niya man makapila ka beses ang iya kaugalingon rason nga napilas ang iya tiyan.
Ang biktima ang gindeklarar nga dead on arrival sa Corazon Locsin Montelibano Memorial Regional Hospital samtang ang suspetsado ang gin-admit sa nasambit man nga ospital para sa nagakaigo nga pagublong.
