Ginakilala si Aleia Aielle Aguilar, 6-anyos nga Pinay, bilang pinakabata nga two-time world champion matapos magdaug sa 2023 Abu Dhabi World Festival Jiu Jitsu Championships.
Ginlutos ni Aleia si Maitha Earani sa sulod sang 12 segundos pinaagi sa armbar nga nagresulta sa submission.
Nadaug ni Aleia ang gold sa girls kids white belt 17kg category kun diin ini nangin madinalag-on man sang tinalikdan nga tuig.
Ginapabugal naman ang 6-anyos sang iya amay nga si Arthur Alvin Aguilar.
Si Alvin amo ang chief sang Filipino Martial Arts kag ginbun-ag ini sa siudad sang Bacolod.
Samtang ang iloy nga si Maybelline Masuda ang pinakauna Filipino Jiu-jitsu World Champion sang tuig 2009 kag siya man ang nakadaug sang pinakauna nga gold medal sa Asian Beach Games for Ju Jitsu sang 2014 para sa Pilipinas.
“All of your hard work, discipline and initiative to always do your best paid off once again!! We are all so proud of you,” pagdayaw ni Alvin sa iya bata.
