Paandam: senistibo nga balita kag laragway
Desidido nga magpasaka sang kaso ang furparent nga si Roxanne Rondaris matapos ginbunalan kag ginpatay ang iya hinuptanan nga ido nga si Champ.
Suno kay Boblee Tuazon sang Furvent Animal Rescues, Fosters and for Adoption, tuman ang ‘trauma’ nga naangkon ni Rondaris bangud ginbalik pa sa iya ang ulo sang pinalangga sini nga ido.
Makita sa litrato nga nakasulod sa ziplock bag ang ulo ni Champ nga indi mabaton ni Rondaris bangud nga pamilya na ang ila pagkabig sa ido.
Dugang pa sang furparent, nakapalagyo si Champ kag nakalambut ini sa balay sang akusado.
Nagapanindugan si Rondaris nga ipadayon ang pagpasaka sang kasoapisar nga madamo sa ila barangay sa Ilocos ang nagasiling nga ido lamang si Champ kag mas importante ang tawo.
“Let us stop with that mindset. We are not above any other living things. We are stewards and carers and we should not be the one causing unnecessary harm to them,” sabat naman ni Tuazon.
Nagapasalamat man ang furparent kay Atty. Benise Madamba nga nagabulig sa ila nga kaso sa mas manubo nga acceptance fee kag wala na nagpabayad sang appearance fee.
Samtang gindakop na ang isa sa mga akusado apang may piyansa nga P12,000.
Ginadumilian ang pagpatay ukon pagsakit sa kasapatan sa idalum sang Republic Act No. 8485 ukon ang “The Animal Welfare Act of 1998” kag posible mapriso sa sulod sang anum ka bulan tubtob duha ka tuig kag magabayad sang multa nga nagabalor sang P1,000 tubtob P5,000 ang magalapas sa sini nga layi.
