Nagdangat sa masobra 139,000 ka mga turista ang nagbakasyon sa isla sang Boracay sa bilog nga bulan sang Oktubre sini nga tuig 2023.
Base sa datos sang Malay Municipal Tourism Office, madako nga bahin sini amo ang domestic tourists nga nagdangat sa 107, 961.
Ginsundan naman ini sang foreign tourist nga nagdangat sa 29,817 kag OFW/OF’S nga may 1,230.
Mas mataas ini kumparar sa narekord nga tourist arrivals sadtong bulan sang Setyembre sini nga tuig nga may 124,491.
Samtang, liwat nga gina-istoryahan sa social media ang strikto nga pagsulundan sa pagsulod sa isla nga posible nga rason kun ngaa nagnubo ang kadamuon sang mga turista.
Ini ang matapos madismaya ang isa ka turista sa indi manami nga sistema sa pag abi-abi sa mga bisita sa nasambit nga tourist destination.*
