Ginkilala ang Pilipino nga si Joseph Alvarico bilang “Teacher of the Year” sa California.
Una nga ginpasidunggan sang Contra Costa County sini nga 2023 ang pagpanikasog kag pag-ulikid ni Alvarico sa iya mga estudyante, antes ini nakabaton sang tawag halin kay California State Superintendent Tony Thurmond nga nagapahibalo nga isa ini sa Teachers of the Year sa bug-os nga state.
Naga-isahanon ang Pinoy nga manunudlo nga nakabaton sang titulo sa Northern California.
Suno kay Alvarico, indi lamang tubtob sa libro ukon buluthuan ang pagtudlo bangud kun may problema sa panimalay, ulihi nga mahatagan sang importansya ang pagtuon sang kabataan.
“When the student comes into my classroom, I have to know what that student is feeling… In order for the kids to shine, I actually have to step back,” pahayag sang manunudlo.
Ginakabig ni Department Chair Jeffrey Smith si Alvarico bilang “blessing for the college.”
“I can see how he cares for his kids. And students can really show if you’re just in the class with him and he makes things fun,” dugang pa ni Justine Latorre, estudyante sang Ygnacio Valley High School.
