- Advertisement -
Patay ang isa ka 68-anyos nga lalaki matapos nga mahulog sa buho sang nagabaga nga ulingan sa San Remigio, Cebu sadtong Huwebes, Oktubre 26.
Base sa report sang GMA News, ginkilala ang biktima kay Rodolfo Castillo Basil nga residente sang Purok Nangka, Barangay Cayam, Cebu.
Suno sa pila ka mga residente, nabatian nila ang pagpangayo sang bulig sang biktima apang wala sang may nakabulig bangud sa kahadlok nga mahulog man sila sa buho kun sa diin ginasunog ang mga kahoy agud himuon nga uling.
- Advertisement -
Sang mag-abot na ang mga otoridad, ginbawian na sang kabuhi ang biktima.
Gin-abisuhan naman sang kapulisan ang pamilya sang biktima nga ipa-autopsy ang bangkay sini agud mahibaluan kun may nagluntad nga foul play sa insidente.*
- Advertisement -
