Ginpili bilang Associate Justice sang Court of Appeals (CA) si Justice Ma. Consejo Mapa Gengos-Ignalaga, alumna sang University of the Philippines Visayas.
Nanumpa si Associate Justice Gengos-Ignalaga sa kay Chief Justice Alexander Gesmundo sa Supreme Court En Banc Session Hall sang Setyembre 27, 2023.
Naggradwar si Associate Justice Gengos-Ignalaga sa UP High School sa Iloilo sang 1985 antes ini nagkuha sang kurso nga Bachelor of Arts in Political Science sa UPV sang 1985 kag nag-shift sa BA History sa UP Diliman sang 1987.
Natapos sini ang iya Bachelor of Laws degree sa University of Iloilo – College of Law sang 1994.
Nagserbe anay bilang Presiding Judge sang Municipal Trial Court of Cities sang siudad sang Antipolo si Associate Justice Gengos-Ignalaga antes ini nangin Presiding Judge sang Regional Trial Court sang nasambit man nga siudad sang 2011.
Ginbuslan ni Associate Justice Gengos-Ignalaga si Associate Justice Manuel Barrios nga nagretiro sang Nobyembre 29, 2022.
