Kun ang kalabanan sa aton, nagahandum sang kaugalingon nga balay, salakyan, ukon financial stability sa edad nga 26-anyos, pinasahi ang handum sang isa ka Russian nga babayi.
Handum ni Kristina Ozturk nga makaangkon sang masobra 100 ka kabataan kag may yara na ini sang 22 ka kabataan subong.
Sa 22 ka mga kabataan, 21 ang ginbun-ag pinaagi sa surrogacy kag 20 ang nabun-ag sa sulod lamang sang isa ka tuig.
Kasado si Kristina sa isa ka milyonaryo nga si Galip, 58-anyos, kag nagatiner ini sa Batumi, Georgia.
Base sa report sang The Sun, nagdangat sa P10.8 million ang ginbayad sang mag-asawa para sa surrogates sumugod sang Marso 2020 tubtob Hulyo 2021.
Nagagasto man ang mga ini sang P5.3 million sa sulod sang isa ka tuig para sa 16 ka live-in nannies nga nagabantay sa mga bata.
Suno kay Kristina, apisar nga napriso si Galip angut sa iligal nga droga, nagapaninguha sila “to raise our children healthy, happy, honest people, filling their hearts with light and kindness.”
