Ginposasan sang mga katapu sang National Bureau of Investigation (NBI) si Jey Rence Quilario ukon kilala man bilang si Senior Agila sang Socorro Bayanihan Services Incorporated (SBSI).
Si Quilario amo ang presidente sang SBSI kag nagapangatubang sang nagkalain lain nga kaso kriminal.
Magluwas kay Senior Agila, ginpasakaan man sang kaso ang mga masunod nga mga persona:
1. Mamerto Digal Galanida
2. Karren Juanite Sanico
3. Janeth Tamayo Ajoc
4. Wenefredo Sarong Buntad
5. Giovanni Leogin Carduza Lasala
6. Ibrahim Laugo Adlao
7. Jovelito Libay Atchecoso
8. Sergio Angcog Cubillan
9. Daryl Ruaya Buntad
10. Jonry Caindoy Ilandag
11. Yure Gary Quiban Portillo
12. Florencio Cosmiano Quiban
Wala ginpahanugutan sang korte nga makapiyansa ang mga akusado para sa ila temporaryo nga kahilwayan.
Suno kay Justice secretary Jesus Crispin Remulla, 21 ka mga kaso ang ginpasaka batuk kay Senior Agila kag 12 ka mga persona sa Surigao del Norte Regional Trial Court.
Kalakip sini nga mga kaso amo ang mga masunod:
• qualified trafficking in persons
• facilitation of child marriage
• solemnization of child marriage
• child abuse charges
