Taylor did it again.
Ginhingadlan sang digital music service nga Spotify si Taylor Swift bilang “Global Top Artist” para sa tuig 2023.
Nagpagwa ang Spotify sang “2023 Wrapped” kung diin diri nalakip ang listahan sang top global artists, global songs, global albums, kag iban pa.
Suno sa Spotify’s newsroom, nakakuha si Taylor sang masobra 26.1 billion global streams humalin Enero 1.
Nagpabutyag naman sang kalipay si Taylor sa nabaton nga balita.
“Um ok this is unreal?? I just wanted to say to anyone who listened to my music this year, anywhere in the world, thank you. Getting named Spotify’s Global Top Artist in 2023 is truly the best birthday/holiday gift you could’ve given me,” caption ni Taylor sa iya Instagram post.
Bilang pagpasalamat sa iya mga fans, gin-release ni Taylor ang “You’re Losing Me (From the Vault)” sa streaming. Gikan ini nga track sa “Midnights” nga album sang singer-songwriter.*
