CEBU CITY – Patay ang 4-anyos nga bata matapos mahulog humalin sa ika-27 nga panalgan sang isa ka condominium sa Laguardia Extension, Lahug, sa siudad sang Cebu sini nga Lunes, Abril 8.
Base sa opisyal nga pahayag sang Citrineland Corporation, tag-iya sang condominium nga The Median, nagluntad ang insidente takna las-6:50 sang aga.
Nagtupa ang bata sa canopy sang ikatatlo nga panalgan.
Ginhingagaw pa sa ospital ang biktima apang gindeklarar ini nga dead-on-arrival.
Suno sa Citrineland Corporation, paga-usisaon nila ang insidente kag magahimo sila sang nagakaigo nga mga tikang agud indi na ini maliwat.
“Our priority as of this time is to provide support and assistance to the family, as well as ensure the continued safety and security of all occupants of the condominium,” dugang pa sini.