Nagsaka pa ang kadamuon sang ginapatihan nga hostages sang Palestinian militant group nga Hamas sa Gaza.
Suno kay Daniel Hagari, tigpamuno sang Israel Defense Forces (IDF), nga yara na sa ginabulubanta 229 ka mga hostages sang Hamas sumugod ang ila surprised attack sa estado sang Israel sadtong Oktubre 27.
Sa karon, apat pa lamang ka mga hostages ang ginbuy-an sang Hamas.
Una nga ginbuy-an sang Hamas ang mag-iloy nga American nationals nga sanday Judith Raanan kag 17-anyos sini nga anak nga babayi.
Sunod naman nga ginbuy-an ang duha ka tigulang nga Israeli nationals nga sanday Yochved Lifshitz, 85-anyos kag Nurit Cooper, 79-anyos.
Samtang, ginpahayag sang World Health Organization nga base sa datus nga nabaton sini gikan sa health ministry sang Hamas sa Gaza, nagdangat sa 7,000 ka tawo na ang napatay didto kun sa diin 40% sa ila amo ang mga kabataan.*
