Friday, March 1, 2024

Pamilya sang na-missing nga si Catherine Camilon, pahatagan sang police security

- Advertisement -

Pagahatagan sang police security protection ang pamilya sang na-missing nga si Catherine Camilon sa Batangas matapos mahibaluan nga isa ka pulis ang “person of interest” sa pagkadula sang beauty queen.

“Nagbigay na tayo ng instruction sa hepe ng Tuy, Batangas na bigyan ng security at assistance itong pamilya ni Miss Catherine,” pahayag sang Police Regional Office (PRO) 4A chief Police Brigadier General Paul Kenneth Lucas sa press conference sini nga Biyernes, Oktubre 27.

Ginpahayag sang PRO 4A nga ang pulis ang ulihi nga upod ni Camilon sang na-missing ini sadtong Oktubre 12.

- Advertisement -

Suno naman kay Lucas nga igasaylo sa Criminal Investigation and Detection Group (CIDG) unit sa rehiyon ang pag-imbestigar sa kaso bangud isa ka pulis ang imboldado diri.

Kadungan sini, magapatigayon naman sang separado nga administrative investigation ang Regional Internal Affairs 4A, base man sa rekomendasyon sang Regional Committee on Missing and Found Persons.

Temporaryon naman nga ginkakas sa pwesto ang pulis kag ginpaidalom sa Regional Personnel Holding and Accounting Unit.

Ginahulat pa ang pag-apruba sang Commission on Elections (Comelec) sa patigayunon nga pagsaylo sa pulis bangud ginadumilian ang reassignments sa tion sang eleksyon.

Suno kay Lucas, optimistic ang imbestigador nga buhi si Camilon.

Ulihi nga nakita si Camilon sa isa ka mall sa banwa sang Lemery sa Batangas.

Base sa mga kuha sang CCTV footage sa mga gin-agyan sang salakyan ni Catherine, gina-alegar nga may yara sang upod ang beauty queen.*

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

33,271FansLike
9FollowersFollow
0SubscribersSubscribe
- Advertisement -

Latest Articles