Nadakpan sang otoridad ang ginakabig Top 2 Most Wanted Person sang Manapla Police Station sa Barangay Santa Teresa, banwa sang Manapla, Negros Occidental, takna la-1:52 sang hapon, Huwebes, Enero 18.
Suno sa report sang kapulisan, ang 71-anyos nga akusado ang may kaso nga three counts sang Statutory Rape.
Gin-isyu ni Judge Dyna Doll Chiongson Trocio sang Regional Trial Court, Branch 40 ang arrest warrant sang akusado.
Wala sang piyansa ang kaso sang septuagenarian.
Nakahunong na karon sa custodial facility sang Manapla Police Station ang akusado.*
