Ginpahayag ni P/Capt. Dax Santillan, hepe sang Bacolod City Police Station 6 nga nakabaton ang ila talatapan sang report gikan sa isa ka Purok Chairman nga gina-alegar may yara sang insidente sang pagpanghimulos nga natabo sadtong Nobyembre 29, 2023.
Suno kay Santillan, gilayon nga ginpadulongan sang kapulisan ang lugar kag gin-istorya ang biktima.
Gintudlo sang biktima ang suspek kag gindala sang kapulisan sa istasyon.
Dugang pa ni Santillan, tupad-balay sang biktima ang suspetsado.
Nahibaluan nga nagaisahanon lang ang menor de edad sa ila puluy-an bangud nga ang iya amay ang naga-obra bilang isa ka manuglasa sang karne.
Pahayag ni Santillan, base sa naggwa nga resulta sang medical examination, dako gid ang posibilidad nga kun ipasaka ang kaso mga rape, madako ang tyansa nga mabaton gid ini sang piskalya.
Yara na sa subong sa kustodiya sang kapulisan ang suspetsado.*
