Base sa bag-o nga pagtuon nga gin-publish sa Fertility and Sterility, isa ka peer-reviewed journal, mas mataas sang 21% ang posibilidad sang low overall sperm count para sa mga lalaki nga naga-edad 18 tubob 22-anyos nga nagagamit sang mobile phones sang masobra 20 ka bes kada adlaw.
Dugang pa sang pagtuon nga may titulo nga “Association between self-reported mobile phone use and the semen quality of young men,” mas mataas sang 30% ang posibilidad sang low sperm concentration sang nasambit nga mga lalaki.
Samtang mas mataas ang sperm count kag concentration sang mga lalaki nga nagagamit sang phone sang indi maglapaw sa lima ka bes sa isa ka adlaw.
Ginhiwat sang researchers nga halin sa University of Geneva kag Swiss Tropical and Public Health Institute ang nasambit nga pagtuon kun diin 2,886 ang nagpartisipar halin sa military conscription centers sang 2005 tubtob 2018.
Nahibaluan man sang pagtuon nga wala epekto sa sperm count ukon concentration kun diin ginabutang ang phone: kun sa bulsa sang delargo, jacket, kag iban pa.
