Monday, July 22, 2024

JO nga gina-alegar nagsinuplada sa NGC, ginsaylo sa records section

- Advertisement -

Ginsaylo sa records section ang job order worker nga babayi nga yara sa Window 3 sang City Civil Registrar sa Bacolod City New Government Center matapos ini ginreklamo nga suplada pinaagi sang programa nga ‘Isugid mo kay Mayor Albee Benitez’.

Natabo ang insidente sadtong Biyernes nga adlaw, las 3:00 sang hapon, Nobyembre 3.

Suno kay Atty. Hermilo Pa-oyon, head sang Registrar, may ginaproseso ang tagreklamo nga death certificate apang imbes nga mangin maayo ang pag-tratar sa iya, ginsupladahan siya sang staff sa window number 3.

- Advertisement -

Dugang pa ni Pa-oyon, may duha ka babayi nga JOs nga yara Window 3 sang natabo ang insidente apang wala sila may madumduman nga may nag-reklamo rason nga lunsay sila nga ginsaylo sa records section.

Pahayag pa ni Pa-oyon nga posible nagsaka ang tingog sang empleyado bangud sa gina-alegar nagabisyo ang ila microphone.

Ginpahayag naman ni Mayor Albee Benitez nga ika-pila na siya ka beses nga nag-instruct sa HR nga dapat ang mga frontliners, kabalo mag-handle sang transactions ilabi na kun paano mag-communicate sa mga pumuluyo nga nagakadto sa government office.

Indi manami suno kay Mayor Albee nga nagatihin-tihin kag nahadlok ang mga pumuluyo kun magkadto sa NGC.

Nahibaluan nga pito na ka reklamo ang ila nabaton sa Registrar batuk sa Window 3.*

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles