Friday, March 1, 2024

Rest house nasunog sa Isabela; kahalitan nagdangat sa P100,000

- Advertisement -

Ginlamon sang kalayo ang isa ka rest house sa Barangay Libas, banwa sang Isabela, Negros Occidental, takna las 11:30 sang aga, Miyerkules, Nobyembre 1, 2023.

Base sa report sang Isabela Municipal Police Station, nagpadulong ang 49-anyos nga babayi sa nasambit nga estasyon agud i-report nga nasunog ang iya ginapanag-iyahan nga rest house.

Didto na nahibaluan nga himo sa light materials ang rest house rason nga madasig maglapta ang kalayo tubtob nga wala na sang may mabilin diri kundi abo na lamang.

- Advertisement -

Maswerte naman nga wala sang may nasamaran ukon napatay sa nagluntad nga sunog nga nagbilin sang ginabulubanta P100,000 nga kahalitan.

Padayon pa sa karon ginahibalo sang mga otoridad ang gintunaan sang sunog.*

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

33,271FansLike
9FollowersFollow
0SubscribersSubscribe
- Advertisement -

Latest Articles