Ginpili ang Bacolod City bilang national finalist sa ‘Most Business-Friendly’ awards subong nga tuig.
Ang Philippine Chamber of Commerce and Industry (PCCI) ang nagpili sa Bacolod City bilang national finalist sa 2020 Most Business-Friendly Local Government Unit (LGU) Awards.
Ang PCCI ang pinakadako nga organisasyon sang mga businessmen sa pungsod.
Ang awarding ceremony sa most business-friendly LGUs ang masami ginapatigayon sa bulan sang Oktubre sa Philippine Business Conference kag Expo.
Ang PCCI, pinaagi kay LGUs Awards chair Jose Alejandro, ang pormal nga nagpabalo kay Mayor Evelio Leonardia sadtong Setyembre 22 nga ang Bacolod City ang yara na sa final judging.
Palayag ni Mayor Leonardia:
“We are inspired that we are being consistently recognized for our business-friendly environment by no less than the PCCI.” “We know that this pandemic has derailed our economy and even our lives.
Nagpatigayon ang PCCI sang annual search agud hatagan sang pagkilala ang mga outstanding efforts kag commendable practices sang mga LGUs sa pungsod nga naga-promote sang trade and investments, employment, transparency, accountability, kag efficiency sa pagdeliver sang serbisyo sa negosyo.
Angot diri, ginpangabay ang Bacolod City nga magpreparar sang five-minute video presentation nga iga-pasa sa PCCI Secretariat antes ang virtual final judging nga naka-skedyul sa Setyembre 28 pinaagi sa Zoom.
Matapos ang video presentation, maga-atubang si Mayor Leonardia sa PCCI panel sa question and answer portion.
