Patay ang isa ka lalaki nga residente sang Sitio Compound Brgy. Luz Guihulngan City matapos ini nga ginluthang sang wala pa makilal-an nga suspetsado sa nasambitan nga lugar alas-11:20 ang takna kaina sang udto.
Sa inisyal nga imbestigasyon sang mga otoridad, padulong sa Sitio Proper Brgy. Luz ang biktima na gikan sa ginapaubra sini nga balay sakay sang XRM 110 nga motorsiklo sini sang ini ang ginluthang sang mga wala pa makilal-an nga suspetsado nga nag-igo sa nagkalain-lain nga bahin sang iya nga lawas nga amo man ang rason sang gilayon sini nga kamatayon.
Narekober sa ginluntaran sang insidente ang tatlo ka empty shell sang Caliber 45 nga armas samtang nagapadayon naman ang hot pursuit operation nga ginapatigayon sang Guihulngan Municipal Police Station kag 62nd IB.