Naghugpaas ang isa ka Ukrainian Military Plane malapit sa nasidlangan nga bahin sang Chuguev, Ukraine kahapon nga adlaw, suno sa country’s general prosecutors office.
Dugang pa diri, nga may 2 ka survivor sa medical facilities apang yara sa kritikal nga kondisyon.
Nagluntad ang nasambit nga paghugpaas sang nagpadulong sa duta ang Antonov An-26 aircraft.
Suno sa Ukrainian State Emergency Services, ang 27 ka pasahero ang crew kag cadets sang air force university.
Nahibaluan, nga kapin 10 ka Antonov An-26 aircraft ang imbolbado sa mga paghugpaas humalin 2017, suno sa Geneva-based Bureau of Aircraft Accidents Archives lakip na ang 2018 crash nga nagluntad sa Hmeimin Air Base sa northwest sang Syria nga nagtuga sang pagkapatay sang 39 ka persona.
Ang An-26 isa ka twin-engine turboprop airplane nga ginhimo humalin 1969 tubtob 1986 sa Kiev, Ukraine sadtong nangin kabahin ang nasambit nga pungsod sa anay Soviet Union.
