Isa ka suldado ang napatay samtang lima ang pilason matapos ang nagluntad nga engkwentro sa tunga sang New People’s Army (NPA) sa Sitio Quiapo, Barangay Tobgon, Oas, Albay Sabado sang hapon.
Ginkilala ang napatay nga si Sergeant Ignacio H. Refuerzo sang Philippine Army (PA) Civil-Military Operation (CMO) Battalion samtang ang mga pilason ang nakilala sanday Sergeant Edgar Sarahan, PFC Alsaddam L. Adulahid, PFC Alvin C. Esteria, Private John Mark P. Verdilflor, kag Private Teodoro B. Cardano, Jr, lunsay mga miyembro sang nasambit nga batallion.
Sa report sang Albay Police Provincial Office, halin sa barangay Mayag sa banwa sang Oas para sa ipatigayunon nga “Serbisyo Caravan” ang mga suldado sang ginpalukpan sang IED kag ginpaarakan tiro sang mga NPA ang ila ginasakyan nga military truck.
Masobra tunga sa oras ang kalawigon sang pagbalusay sang lupok sa diin killed in action si Refuerzo samtang wounded in action ang lima ka iban pa nga kaupdanan sini.
Wala pa sang palayag ang kampo sang military kag NPA angot sa insidente.