Patay ang 10-anyos nga lalaki matapos malumos sa baybay sa Sitio Dacutan Dacu, Barangay Mambulac, siudad sang Silay, takna las 12:45 sang udto, Domingo, Oktubre 1, 2023.
Base sa report sang Silay City Police Station, nagapaligo ang bikitma kaupod ang iya nga mga utod tubtob nga nasapwan na lamang ini nga nagalutaw sa baybay.
Ginhingagaw pa dala sa Teresita Lopez Jalandoni Provincial Hospital sa siudad sang Silay ang biktima apang gindeklarar ini nga dead-on-arrival sang attending physician.
Nahibaluan nga ang biktima amo ang ginaalegar nagasupreher sa epileptic disorder. Sa karon, yara sa gihapon ang bangkay sang biktima sa TJLP Hospital para sa nagakaigo nga disposiyon.*