Dakop ang 10 ka estudyane sa India matapos nagplano nga mangdaya sa mga teaching exam gamit ang Bluetooth device nga ginbutang sa ila mga tsinelas.
Nahibaluan nga madugay na nga problema ang pagpangdaya sa pungsod India.
Angot diri, ginpahanugutan ang mga pulis nga utdon ang internet access samtang ginapatigayon ang teaching exam para sa 1.6 million nga estudyante sa Rajasthan.
Apang, ang nangin diskarte sang isa ka grupo amo ang pag-gamit sang mga device nga nakatago sa tsinelas nga makabaton sang mga tawag gamit ang mga receiver nga nakatago sa ila dalunggna.
Nalakip sa ila plano ang pagtawag sang mga accomplice sa guwa agud mag-dikta kung ano ang intsakto nga sabat sa exam suno kay Priti Chandra, opisyal sa Bikaner.
Nangin mataas ang kaso sang pagpangdaya sa mga government, university kag school examination, nga kilala bilang pinaka-competitive kag nabudlayan man ang mga otoridad sa mga komplikado nga mga diskarte nga gina-agyan sang mga estudyante agud makapasar.
