Patay ang 13-anyos nga estudyante matapos ini ginbuno sang iya man lang nga schoolmate nga naga edad 15-anyos.
Gindeklarar nga dead on arrival ang biktima sang ini ang gindala sa hospital.
Ang biktima isa ka Grade 7 student sang Culiat High School kag taga Jolo, Sulu.
Nagaguwa sa imbestigasyon nga ginbuno ang biktima sang iya schoolmate bangud sa indi pag-intsindihanay tuga sang pagpangimon.
Nagpalagyo ang suspek apang gilayon man ini nga nadakpan kag yara sa kustodiya sang kapulisan para sa nagakaigo nga disposisyon.
Nahibaluan nga ang biktima kag ang suspek ang mag tupad-balay lang man.