Ginapanginwala sang 23-anyos nga lalaki nga ginhimuslan niya ang 14-anyos nga babaye sa banwa sang Calatrava.
Base sa imbestigasyon, Oktobre 29 sang may piesta sa isa ka Barangay sa Calatrava kung sa diin, nagkit-anay ang lalaki kag biktima sa discohan.
Suno sa WCPD sang Calatrava, nahubog ang biktima kag ginsiling sang lalaki sa iya mga barkada nga nobya niya ini rason nga ginpabay-an lang sila nga duha tubtob nga gindala sang lalaki ang biktima sa ila balay las 2:00 sang kaagahon.
Suno sa suspek, parehas sila nga nangalipay sang biktima kag wala niya ini gin-pwersa.
Gindugang pa sang suspek nga wala siya nakabalo nga menor de edad ang biktima.
Bangud man sa ginpatigayon nga hot pursuit operation sang Calatrava PNP, nadakpan ang 23-anyos kag yara na sa custodial facility sang Calatrava.
Sa karon, ginahulat nalang ang resulta sang medico legal sang biktima.
(Hungod nga gintago ang pangalan sang mga persona nga imbolbado bangud sensitibo ang balita)