Ginhimuslan ang isa ka 14 anyos nga babaye nga pasyente sa sulod mismo sang isa ka COVID-19 treatment center.
Suno sa report sang CNN, isa ka 19-anyos nga pasyente ang nag-rape sa dalagita sa New Delhi, India, base kay Delhi police deputy commissioner Parvinder Singh.
Indi magkilalahay ang dowa ka pasyente, kag nagbulig pa ang abyan sang lalaki nga edad 20 antos para maghimulos sa dalagita.
Parehas nga positibo sa coronavirus ang biktima kag suspek, nga lunsay naka-admit sa Sardar Patel Covid Care Centre kung sa diin, 10,000 ka indibiduwal ang kasya.
Palayag ni Singh:
“The girl alleged that the 20-year-old also recorded the rape on his phone. We are investigating this as well as the rape charge.”
Arestado na ang dowa ka suspek kag ginsaylo sa government hospital samtang nagapa-ayo pa sa COVID-19.
Naglab-ot na sa 1.28 milyon ka indibidwal ang gin-igo sang virus sa India, pinakataas sa Asya.
